Gardeners' market for refugee projects

On Saturday, 17 September 2016, Felinwnda Gardening Club will hold a gardeners' market in aid of refugee projects. From 6.30pm onwards fresh produce of the Club's gardens and kitchens will be on sale outside the Harp Inn in Llandwrog. The proceeds of the market will go to two refugee projects: local refugees support group Pobl i Bobl and the City Plaza hotel in Athens.

Pobl i Bobl was founded by individuals who had come together in response to the migration crisis of 2015. It aims to reach out in solidarity to offer support from Wales to displaced people worldwide, regardless or race, religion, or location. Pobl i Bobl have been dispatching aid donated by individuals in North Wales to Greece, Northern France and Syria itself, and Pobl i Bobl volunteers have travelled to crisis situations across Europe.

At City Plaza, refugees find a place that allows for privacy, in an atmosphere of security and dignity. The hotel was occupied in April 2016 by an activist group. Together with the refugees many people in solidarity now manage the daily life in the hotel. There is no support from the state. But there are good food, clean hallways, a pharmacy, a hairdresser, as well as language courses, a library and legal support. Everything is maintained on a voluntary basis and supported through donations. And all decisions are made collectively.

For further details phone 01286-830913/830615 or e-mail clwbgarddio AT yahoo DOT com.

Newid cynlluniau ar gyfer 21 Mehefin 2016

Fydd dim cyfarfod yn y Ganolfan nos Fawrth, 21 Mehefin. Yn lle byddwn yn mynd ar drip i erddi Portmeirion. Cwrdd yn y maes parcio ger Goat Llanwnda am 6.15 i rannu ceir. Am fanylion ffoniwch Osborn (830615) neu Marika (830913).

Tymor newydd yn cychwyn ar 22 Mawrth 2016

Bydd tymor newydd Clwb Garddio Felinwnda yn cychwyn ar nos Fawrth, 22 Mawrth 2016, 7.30yh yng Nghanolfan Bro Llanwnda. Mi fydd Awen Haf yn cyflwyno syniadau am forderi blodau lluosflwydd. Derbynnir cwestiynau ymlaen llaw - gyrrwch nhw aton ni erbyn 15 Mawrth os gwelwch yn dda, fel y caiff Awen ddigon o amser i ddod ag ateb gwerth-chweil i chi.

Dyma raglen y tymor i gyd:
22 (!) Mawrth: Awen Haf yn cyflwyno syniadau am forderi blodau lluosflwydd. Derbynnir cwestiynau ymlaen llaw.
19 Ebrill: Hawl i holi - llysiau a phopeth arall y gellir ei fwyta! Cadeirydd: Alun Roberts (Alun Gelli). Derbynnir cwestiynau ymlaen llaw.
17 Fai: Dowch â'ch basged neu bot i'w llenwi o dan gyfarwyddyd Carol Williams.
21 Mehefin: Cynllunio gerddi i bobl â dementia gyda Mark Rendell.
19 Gorffennaf: Ymweliad â gerddi aelodau.
16 Awst: Lladron llysiau a blodau - beth gafodd ei ddal gan y camera bywyd gwyllt yn ystod y tymor. Cyfarwyddwr: Huw Orwig.
30 (!) Medi: Gwledd i ddathlu 10mlwyddiant Canolfan Bro Llanwnda.

Cynhelir cyfarfodydd y clwb am 7.30yh ar drydedd nos Fawrth y mis yng Nghanolfan Bro Llanwnda oni bydd trefniadau gwahanol (sylwer mai eithriad ydy mis Mawrth!). Mae croeso mawr i aelodau hen a newydd. Y tâl aelodaeth ydy £10 am y tymor neu £2 y sesiwn.

Ym mhob un o'r sesiynau bydd cyfle i gyfnewid hadau, planhigion, torion ayb sy dros ben gan aelodau. Fel arfer mae rhywun yn falch o'u cael nhw!

Am fanylion pellach cysylltwch ag Osborn (01286-830615), Marika (01286-830913) neu clwbgarddio AT yahoo DOT com.

Tymor 2015 yn cychwyn ar 17 Mawrth

Bydd tymor newydd Clwb Garddio Felinwnda yn cychwyn ar nos Fawrth, 17 Mawrth 2015, 7.30yh yng Nghanolfan Bro Llanwnda. Mi gawn noson hawl i holi gyda'r pencampwr tyfu llysiau, Medwyn Williams. Os oes gynnoch chi gwestiwn, gyrrwch o aton ni erbyn 10 Mawrth os gwelwch yn dda, fel y caiff Medwyn ddigon o amser i ddod ag ateb gwerth-chweil i chi.

A dyma raglen y tymor i gyd:

• 17 Mawrth: Hawl i holi gyda Medwyn Williams
• 21 Ebrill: Tyfu ffrwythau meddal gydag Awen Haf
• 19 Mai: Tyfu planhigion o dorrion gyda Menna Davies - dowch â thorrion i'w cyfnewid
• 16 Mehefin: Offer garddio - trafodaeth am offer handi a sut i'w cynnal a'i cadw
• 21 Gorffennaf: Ymweld â gerddi aelodau
• 18 Awst: Rysetiau - trafodaeth am bethau blasus i'w gwneud allan o gynnyrch eich gerddi
• 15 Medi: Y wledd flynyddol o gynnyrch ein gerddi
• Ryw ben ym mis Medi neu Hydref (dibynnu ar gynnydd y grawnwin): Helpu gyda'r cynhaeaf yng ngwinllan Pant Du
• 20 Hydref: Paratoi rhaglen 2016

Cynhelir cyfarfodydd y clwb am 7.30yh ar drydedd nos Fawrth y mis yng Nghanolfan Bro Llanwnda oni bydd trefniadau gwahanol. Mae croeso mawr i aelodau hen a newydd. Y tâl aelodaeth ydy £10 am y tymor neu £2 y sesiwn.

Ym mhob un o'r sesiynau bydd cyfle i gyfnewid hadau, planhigion, torion ayb sy dros ben gan aelodau. Fel arfer mae rhywun yn falch o'u cael nhw!

Am fanylion pellach cysylltwch ag Osborn (01286-830615), Marika (01286-830913) neu clwbgarddio AT yahoo DOT com.

Noson Tatws Sarpo - 19 Awst, Canolfan Felinwnda, 7.30.

Noson i drafod tatws - yn arbennig rhai'r Brifysgol sef y math 'Sarpo'. Yn eich profiad chi - pa rai yw 'goreuon' y tymor? Pryd y planwyd nhw, pryd y codwyd nhw, maint y gwlydd, maint y cnwd, afiechydon, blas etc. Os dymunwch, dewch a sampl o'ch tatw, does dim angen mwy na dwy neu dair. Dewch â llun os y cafwyd crach neu unrhyw afadwch arall. Cawn hefyd sgwrs rownd y bwrdd i drin a thrafod yr ardd yn gyffrerdinol.
Mis Medi - sgwrs am winllan Pant Du;
Mis Hydref - ein swper blynyddol i orffen y tymor.

Tymor 2014 yn cychwyn ar 6 Mawrth

Cafodd Clwb Garddio Felinwnda dymor diddorol iawn yn 2013, a da oedd cael croesawu cymaint o aelodau newydd, yn hen ac ifanc! Yn ogystal â dysgu trwy wrando ar arbenigwyr y byd garddio, cafwyd ymweliadau â gerddi rhai o'r aelodau. Gerddi amrywiol iawn, ond pob un fel ei gilydd yn adlewyrchiad o ddiddordebau amrywiol y garddwyr. Mentrodd rhai o'r Clwb i Sioe Tatton ar y trip blynyddol. Sioe gwerth chweil fel arfer ond co' da am orfod ciwio am oriau i gael mynediad! Mae rhaglen digon diddorol wedi'i llunio ar gyfer tymor 2014 eto. Ar nos Iau, 6 Mawrth 2014 byddwn yn croesawu Dafydd Wigley i agor y tymor. Noson o rannu profiadau, gyda Dafydd yn llywio'r drafodaeth, i bwrpas helpu aelodau newydd a rhai mwy profiadol fel ei gilydd. Yn ogystal byddwn yn rhannu tatws hadyd o'r math 'Sarpo', sydd wedi cael eu datblygu ym Mhrifysgol Bangor fel tatws sy'n gwrthsefyll y malltod ('blight'). Croeso cynnes i bawb ymuno â ni, ac un ai dalu fesul noson neu am y tymor cyfan. Ar y drydedd nos Fawrth o'r mis cynhelir y cyfarfodydd o fis Ebrill ymlaen, pan ddaw Awen Haf (Galwad Cynnar) i sôn am berlysiau. Mae Awen yn hen ffefryn gan y Clwb, ac mae ei sgwrs yn ddifyr a buddiol bob amser. Dyma'r mis i rannu gwreiddiau, cymeryd torion, rhannu 'plygiau' a hadau o bob math. Ym mis Mai ceir noson dipyn yn wahanol wrth wahodd Nici Beech draw i sgwrsio am y rhaglen deledu 'Byw yn yr Ardd'. Atgofion am uchel-fannau'r gyfres ac ambell dro trwstan y tu ôl i'r camera! Ym Mehefin a Gorffennaf, trefnir ymweliadau i fwy o erddi'r aelodau. Ymunwch â'r criw ar y teithiau diddorol yma. Ym mis Awst bydd cyfle i ymweld â Sioe Flodau Amwythig . Ceir sgwrs am winllannau Pant Du ym mis Medi, a bydd y tymor yn dirwyn i ben ym mis Hydref gyda gwledd o gynnyrch y tymor yng Nghanolfan Felinwnda. Am fanylion pellach cysylltwch ag Osborn (830615), Marika (830913) neu clwbgarddio AT yahoo DOT com. A chofiwch fwrw golwg ar golofn 'digwyddiadau' papur Lleu am wybodaeth am ddigwyddiadau'r mis!

Gwledd er budd Cymdeithas Alzheimer

Ar nos Fawrth, 17 Medi 2013 cynhaliodd Clwb Garddio Felinwnda noson gymdeithasol i aelodau a'u ffrindiau. Cawsom wledd o gynnyrch ein gerddi, bwrdd ffeirio planhigion a raffl. Noson hyfryd a gododd £200 i Gymdeithas Alzheimer. Os oes gynnoch chi ddiddordeb mewn ymuno â'r Clwb y 2014, dowch draw i Ganolfan Bro Llanwnda ar nos Fawrth, 15 Hydref, pan fyddwn yn llunio rhaglen y tymor nesaf, a fydd yn cychwyn yn y gwanwyn. Manylion pellach oddi wrth Osborn (01286-830615), Marika (830913) neu clwbgarddio AT yahoo DOT com.