Rhaglen 2018 Clwb Garddio Felinwnda

20 Mawrth: Sioned Edwards, Garddio a Mwy, yn trafod tyfu a gosod blodau. 7.30yh, Canolfan Bro Llanwnda.

17 Ebrill: Planhigion traddodiadol a seiat garddio. 7.30yh, Canolfan Bro Llanwnda.

15 Mai: Ymweliad â gerddi Plas Tan y Bwlch yng nghwmni Twm Elias.

19 Mehefin: Noson yng nghwmni Carol Williams. 7.30yh, Canolfan Bro Llanwnda.

Dydd Sul, 8 Gorffennaf: Ymweliad â Gardd Goedwig Bangor, sydd yn dathlu 20 mlynedd eleni.

Awst: Marchnad y garddwyr.

18 Medi: Gwledd diwedd tymor a dathlu penblwydd y Clwb yn 10 oed.

Croeso mawr i aelodau hen a newydd. Gallwch ymaelodi am y tymor am £10, neu mae croeso i ymwelwyr am £2 y sesiwn. Am fanylion pellach cysylltwch ag Osborn (01286-830615) neu Marika (01286-830913).

Ymweliad â Plas yn Rhiw

Bydd Clwb Garddio Felinwnda yn mynd ar daith i Blas yn Rhiw ar bnawn dydd Mercher, 23 Awst. Mi gawn olwg o gwmpas yr ardd yng nghwmni'r garddwr, ac wedyn bydd cyfle am banad a chacen yng nghaffi'r Plas. Cyfarfod am 3yp wrth dderbynfa Plas yn Rhiw, neu am 2yp wrth Ganolfan Bro Llanwnda os am rannu car. Mae tâl mynediad y Plas yn £5.20 y pen. Manylion pellach: 01286-830913 neu 01286-830615.

Newidiadau i raglen y tymor

18 Gorffennaf, 7.30yh: "Rhannu a Chynhyddu" gydag Awen Haf, Canolfan Bro Llanwnda.

23 Awst: Ymweliad â gardd, manylion i'w cadarnhau.

19 Medi: Gwledd o gynnyrch ein gerddi, Canolfan Bro Llanwnda.

Canslo cyfarfod 21 Mawrth 2017

Yn anffodus roedd rhaid i ni ganslo cyfarfod mis Mawrth am resymau teuluol. Bydd y tymor felly'n cychwyn efo cyfarfod mis Ebrill.

Rhaglen 2017

21 Mawrth, 7.30yh: "Arwyr garddwriaethol" gyda Gerallt Pennant, Canolfan Bro Llanwnda.

18 Ebrill, 7.30yh: "Plannu mewn lle anodd" gyda Carol Williams, Canolfan Bro Llanwnda.

13 Mai, 10.30yb: Sbecian tu ôl i'r llenni yng nghanolfan arddio'r Frongoch.

20 Mehefin, 7.30yh: "Coed" gydag Emyr Parry, Canolfan Bro Llanwnda.

18 Gorffennaf: Ymweliad â gardd, manylion i'w cadarnhau.

15 Awst, 7.30yh: Hawl i holi gydag Awen Haf, Canolfan Bro Llanwnda.

19 Medi: Gwledd o gynnyrch ein gerddi, Canolfan Bro Llanwnda.

Mae croeso mawr i aelodau hen a newydd. Y tâl aelodaeth ydy £10 am y tymor neu £2 y sesiwn. Am fanylion pellach cysylltwch ag Osborn (01286-830615) neu Marika (01286-830913).

Gerallt Pennant yn agor tymor 2017

Bydd tymor newydd Clwb Garddio Felinwnda yn cychwyn ar nos Fawrth, 21 Mawrth 2017, 7.30yh yng Nghanolfan Bro Llanwnda. Gerallt Pennant fydd y siaradwr gwadd, ac mi fydd yn trafod arwyr y byd garddio.

Bydd gweddill y tymor yn cynnwys sesiwn "Hawl i holi" gydag Awen Haf, "Plannu mewn lle anodd" gyda Carol Williams , "Coed" gydag Emyr Parry a mwy. Bydd y Clwb hefyd yn cael cyfle i sbecian tu ôl i'r llenni yng nghanolfan arddio'r Frongoch.

Cynhelir cyfarfodydd y clwb am 7.30yh ar drydedd nos Fawrth y mis yng Nghanolfan Bro Llanwnda oni bydd trefniadau gwahanol. Mae croeso mawr i aelodau hen a newydd. Y tâl aelodaeth ydy £10 am y tymor neu £2 y sesiwn.

Marchnad arddwyr er budd ffoaduriaid

Nos Sadwrn, 17 Medi 2016, bydd Clwb Garddio Felinwnda yn cynnal marchnad arddwyr er budd prosiectau ffoaduriaid. O 6.30yh ymlaen bydd cynnyrch ffres gerddi a cheginau aelodau'r clwb ar werth yng ngardd Tŷ'n Llan, Llandwrog. Bydd elw’r farchnad yn mynd at ddau brosiect ffoaduriaid, sef y mudiad lleol Pobl i Bobl a gwesty'r City Plaza yn Athen.

Sefydlwyd Pobl i Bobl gan unigolion a ddaeth ynghyd er mwyn ymateb i argyfwng ymfudo 2015. Nod Pobl i Bobl yw dangos cefnogaeth a chynnig cymorth o Gymru i bobl sy wedi’u dadleoli, waeth beth fo’u hil, eu crefydd neu eu lleoliad. Mae Pobl i Bobl wedi bod yn dosbarthu rhoddion gan unigolion yng Ngogledd Cymru i Wlad Groeg, Gogledd Ffrainc ac i Syria ei hun, ac mae gwirfoddolwyr Pobl i Bobl wedi teithio i sefyllfaoedd argyfyngus ar hyd a lled Ewrop.

Mae gwesty’r City Plaza yn cynnig lle i ffoaduriaid sy’n caniatáu preifatrwydd, mewn awyrgylch o ddiogelwch ac urddas. Meddiannwyd y gwesty ym mis Ebrill 2016 gan grŵp o ymgyrchwyr sydd bellach yn rheoli bywyd bob dydd yn y gwesty ar y cyd â’r ffoaduriaid. Nid oes cefnogaeth gan y wladwriaeth. Ond mae yna fwyd da, coridorau glân, fferyllfa a lle trin gwallt yn ogystal â gwersi iaith, llyfrgell a chefnogaeth gyfreithiol. Caiff pob dim ei gynnal ar sail gwirfoddol a thrwy roddion. A mi gaiff yr holl benderfyniadau eu gwneud ar y cyd.

Am fanylion pellach ffoniwch 01286-830913/830615 neu e-bostiwch clwbgarddio AT yahoo DOT com.